XELAK'AOBA

Andğanei dğalepe,
Şilya gaqvas 3as iexti,
A3’işa ğurbelis t’i-na
Çkin ak voret, kagexti.

Xelak’aobas gz’ira,
Pimpili pukironi,
Dğa ginz’e gaqvas ora
Lazona gok’vioni.

Xelak’aobaşi ptkvat,
Xelei z’i3ineri,
Ok’ovak’nat xe-k’uçxe,
Mxucepe tirtineri.

Şuri ubari nenas,
Muk’o ç’it’a ginon t’as,
Xelak’aoba şenas
İşenas, imuru3xas.

Xeler-z’i3inei t’a
Mcveş xalei doç’vei,
Ğormotişi qoropas
Gui e3’adginei.


YAŞA TANDİLAVA