QOROPA GOMİNDUNU

3’oxleni qoropa kagomindunu,
K’artaş k’ele bgorup do var maz’iru
Qoropaşi dagapek dolomtirups
Gamaxtimus şvelati var maz’iru

Voi nana muç’o p’a nana çkimi
Qoropaten domaç’u guri çkimi

Gevant’oner vişkvider memişvelit
Domim3’k’upu memotanit mu iqven
En 3’oxleni qoropa gondinit na
Çkva ağaniten oktiru var iqven

Voi nana muç’o p’a nana çkimi
Qoropaten domaç’u guri çkimi

Guri kipşu derditen mijik’alu
Tunaşenti ma ordo var momalu
Gyuli çkimi çkvaşa idu ma var mçu
Aşopeten ma qoropa var maçu

Voi nana muç’o p’a nana çkimi
Qoropaten domaç’u guri çkimi

NAZİ MEMİŞİŞİ