ÇAİŞİ BİRAPA

Andğa k’ai t’aroni ren hayde dalepe
Şa goindineni yazis ha mskva ndğalepe
Çaiş o3’ilus mevoktut çkin k’ulanepe
Yopşa k’alatepe tirit moxtit biç’epe

Heyamoli hee yamo he yana yana yana
Çkini ren çkin manç’enan bedi do şana

Ehe rak’anis eşulun mjora ağani
Mç’ita te muşiten tanun mele rak’ani
Çiçkili steri p’3’ip’olat çkin mani mani
Do kevopşat muşi oras ar 3’anaş p’lani

Heyamoli hee yamo he yana yana yana
Çkini ren çkin manç’enan bedi do şana

Ran3’k’alas birapa skani rak’anis mat’as
Handğa çkini k’ala kva do ncakti ibiras
Ezdas ixik ha birapa mendraşak iğas
Ağne Lazuri birapa kianak kognas

Heyamoli hee yamo he yana yana yana
Çkini ren çkin manç’enan bedi do şana

Hasani Xelimiş