QOROPELİ

Eşo so ulur şonas mot gulur
Gzas kogekxvadun seri
Sin m3’k’upis gzaşen var gogaktinen
Ndğa nulun 3’ap’a steri

Mskva rt’i çxat’ut’i sin mjora steri
Skani qoropak mç’upt’u
Çkimi qoropa ar zari steri
Mot goişaşi mu rt’u

Çkimi qoropas bedi gyaz’i3u
Kagom3’k’u skani k’ala
Dido goxve3’ap çkvaşa var ida
Do var memaşkva xvala

Ndğak var miğarğals seri var mulun
Mjora na git’as iç’ven
Man uskaneli derdi gomogzun
Mzoğas dolobdgir viç’ver

Çkimden mot nulu xvala mot gulu
Gzas kogekxvadun seri
Sin m3’k’upis gzaşen var gogaktinen
Ndğa nulun 3’ap’a steri

NAZİ MEMİŞİŞİ