NDĞALEPEG NA MOİYONU

Xate amaxti si,skidalaçkimiz,
Pote modgamulur,ti,guriçkimiz,
Şuri domai,ar moşvanoni oropaçkimiz,
Ar mskvanobatti si,ndğalepeg na moiyonu,skidalaçkimiz...


Arşvacis golulun ora,varniçişinen,
Skanisuzi ar ndğaz var ninçinen,
Si varttiko mskvana varizziren,
Ar mskvanobatti si,ndğalepeg na moiyonu,skidalaçkimiz...


Oropasuzi na golulun ora,ora varen,
Oropaşen meti mskva mutu varen,
Oropeyi guri,parpaliren,kinçiren,
Tellişi skidalaz,ndğalepeg na moiyonu ar mskvanobaren...

(from NOSI, www.lazebura.net)