NANAŞİ NENA

Ek’o dido nena ren,
Mtelik muşi ibirams.
Mteli muşi nanaşi
“Ha naniten” irdenan.

Manti miğun ç’areli,
Mkveş k’arpiten ğareli,
Edo minon emuten
Vixela do vişena

Vepxiş t’k’ebi gontxeis
Oxvame dovişena.
Do çkimi oput’eşen
Nanaş nena vomşvena

K’olxetişi tariği
İri xolo maarta.
Maarta şk’ule giç’k’en
Masuma do maşk’vita
Didi mzoğapes nadgi
Do dagas var işk’vida.


YAŞA TANDİLAVA