T’RAP’İZONİŞİ İMP’ERİA

Var vort’i-na Ağa-Maxmadxaniş omis,
Erek’leşa vara memaçu gelamşvelu,
Gonçxvaeli Lazist’anis varti vort’i
Vort’itina, pu amk’ata oqopinus.

Dğa içoden mutu var ren uçodinu,
İmcvelen do ağanişen xolo iulun,
Bulutepek 3a - morgvali dom3’k’upinu,
Hama mjora xolo iulun, xolo giulun.

Damarepes na gomixteps mcveşi di3xiri.
Na unt’as na emk’ata ren kvati do3’k’ips,
Dobadonas miti reni komiz’iri,
Muşistei morgvali do ginz’e p’o3’k’i,

Ehei Tamar, mixat’iri ocoxinu,
Gomcvelei prangulepe gomon3’k’api,
Arçkva xolo moşignapi docoxinu,
Mu didi ren T’rap’izoni, domotkvapi.

Mara a3’i ora ktei eşo ren ki
Mzoğa dordaps, çelamura ek’o mepxvi.
Dgin Gonias Apsarişi cixa-k’on3xi,
Ğormotişen xvameri do mjoras ç’vei,

İst’oriaş tariğepe dobk’oro3xi,
Emuşeni gui miğun elaç’vei
Mara a3’i ora ktei ek’o, ren ki
Mzoğa dordaps çelamure ek’o mepxvi.


YAŞA TANDİLAVA