SOTXA VİDA

Nana çkimi guris pupuli vore
Gyuli çkimi guris zarbe ar çhvini
Sotxa vida çhvini ek memiqonun

Bgara miçkin gomoçhkhondu xeleba
Var mşuns a3hi xeleberi birapa
Sotxa vida bgara ek memiqonun.

Ar thoroci doğuru oxori çkimis
Ar qoropa doğuru a guri çkimis
Sotxa vida ğura ek memiqonun

Şuri işamilaps dopskidur xvala
Cuma çkimi ar icmoces doskidun
Sotxa vida ek miti var miqonun.

(from oqinoreli, Haseki istanbul, 17/02/2004, lazebura.net)