PİRALİŞİ BİRAPA

Dağis vore şk’as livei gomot’k’un,
Ncas gepxer do tude mgei gomobğun,
Vit 3’ana re oncires var mincirun,
Sopes vort’i muperepe miz’irun.

Stveli ren do sai- mç’ita but’k’ape
T’u3a ixis parpalepe putxunan,
Mzesk’u p’ili do emuşi bundğaten,
K’vinçistei çiçku iova vixvena.

Seri ren do germa k’oçik daçxiri,
Ogzeren do xoronaps delistei,
Bgorup hama dunias soti var bz’iri,
Xvala vore lok'ei k’itistei.


YAŞA TANDİLAVA