MELENİ SARP'İ

Sarp'i çќunis bulbulepek ibiran
Mis var užirun Sarp'i moxtan žiran
Port'u ќ aliş limoniş pukirişi
Şurapes doloxe goxtan do ižğan

Elamtepek mitam k'oçis uz'i3ams
Hak bulbulik purkinoras ubirams
Çai picis dost'iberen zoğa cans
Pukirepeş şuraten ar ixi bars

Sarp'i meleni Sarp'i meleni
Purkinora skani şuras k'oçi diz'ğeni?
K'olektivis na var ixels miti diqveni?

Komebaçvi he Sarp'uli k'ulanis
Man ar fara ia bz'iri do çais
Mskvana muşi muk'oti bomskvana ğirs
Mendraleşen man Lazuri gemabirs

Sin man domç'vi e veraneş kulani
Daçxuri ren uça tolepe-skani
Sin gziraşi mu mağoden var miçkin
Mot memilas xe do k'uçxes dermani
XELİMİŞİ XASANİ


XELİMİŞİ XASANİ