OROPAŞİ DESTANİ

Ham doloniz nan-çkimik ç’ut’a t’uşi na itkvet’u do mana mi3’vu
Oropaşi destan i p’ç’arare. Artikatiz oroperi na ren bozo do biç’ik’ oropa
Mutepeşi şeni artikatiz na itkvez, tkvalaşi destan i ren.
Oçilu do gamatxu
Biç’ik Ham m3udala dunyaz iri na iven
İrişi dulya divu çkimi var iven
K’ai memiuci gyuli mu iven
Biç’ve bixale gyuli-çkimi
Bozok Mati skanisteri ç’veri xaleri
İzmocez mego3’k’er ti gyemaleri
Guri ok’omilams gyuli-çkimi
Biç’ik’ Nana-skaniz uç’vi guriz memi3’vaz
Mundez gamagotxasen ar do mi3’vaz
Sica do bava do kapça gemiç’vaz
Bureği var minon gyuli-çkimi
Bozok Nana-çkimi skande raziyen
Sontxa e3’ulare sica az*iren
Çkimi şeni ar elçi var gaz*iren
K’ameti ko moxtu gyuli-çkimi
Biç’ik’ Elçi skani haziri miyonun p’anda
Gixenare duğuni do ç’anda
Arafaşi majuraniz meptare
Nek’naşen var pencereşen eptare
Bayramluği skani k’ala goptare
Havla şeni skani k’ala gyuli-çkimi
Bozok Maçkinat’u nam seri moxtare
Jur tolepez skaniz gogixtare
Gamskvimado ubaz meşegixtare
Vaşa ok’onağurare gyuli-çkimi
Biç’ik’ He k’inoni xepe skani nazuği
Mogodvare xut k’itizti yuzuği
Sum beşluği jur xepezti bilezuği
İmaneti dobdvare gyuli-çkimi
Met’i orapez haşo destanepe, birape do oz*i3inu şeni muntxanepeti p’ç’arare
Mskva ndğalepe tkvani t’az

(from LaZMaSTeR, source: lazebura.net