UÇA MZUĞA'Şİ BGARA

Uça mzuğa'z bo3ker tolepe çilambreyi,

Mitrağudamz cveşuri dğalepeşi,

Mebiyucam guri elataxeri,

Haşo modmağodez Uça Mzuğa'çkimi...


Uça Mzuğa memçvaleyi,

3ça do gema kala da do cumasteyi,

Potenuri manebrapesteyi,

Haşo modmağodez Uça Mzuğa'çkimi...


Uça Mzuğa handğa şumeri,

Kfaten dolomopşez mzgalepeçkimi,

Domiğurinez çğomepeçkimi,

Haşo modmağodez Uça Mzuğa'çkimi...


Uça Mzuğa'z bu3vi,si haşo vartti,

Koçepeg dokşavez,koçepek 3opxez,

Encami siti ninteresteyi ez,

Haşo modmağodez Uça Mzuğa'çkimi...


Uça Mzuğa'şi bgara variçoden,

Ar memçvalen ar dodgitun,

Heyaşi bgara ma memamtvalen,

Haşo modmağodez Uça Mzuğa'çkimi...

(from nosi, www.lazebura.net)