Tuta Köna Mematana

Tuta Köna Mematana
Hamseri tuta noğamisa,
Ham didi serişi mskvana,
Gema'şi kapulaşen gami3ken,
Tuta köna mematana...


Ar mtuta diyu vartti,
Gomançelez hem skvana sortti?
Si soti motulur hakti,
Tuta köna mematana...


Mpula gogatken tamo tamo,
Xolo memaşkvateni haşo xvala,
Mupaten skanisuzi ako ora,
Tuta köna mematana...


Si varttaşa varmaxenen,
Könaskani mematanen,
Mod memtkomer derdi maen,
Tuta köna mematana...

(from nosi, www.lazebura.net)