SKANİSUZİ Tİ İYEN

Mskva dğalepe na bzirit skanikala,

Xeleberi botanit didi serepe tanuraşa,

Ma varbgori skanisuzi ar dğa,

Mupa?so bida?skanisuzi ti iyen...


Mturi ora mitrağudamtez oropa,

Skanişeni mitanamtez mjora do tuta,

Si igzali noskurinez hem köna,

Mupa? so bida? skanisuzi ti iyen...


Handğalepez skanisuzi botanam,

Ne tutaren,ne muruncxi,ne mutu,

Motiyettaz!skani ğari mibağun,

Mupa? so bida?skanisuzi ti iyen...


Skanisuzi oskidu monkateren,

Guriçkimi panda skanikalaren,

Si varttikoti ğariskani çkimikalaren

Mupa?so bida?skanisuzi ti iyen

(from nosi, www.lazebura.ner