Lazonaşi Bere Borttit

Lazonaşi bere borttit bibirttit

Livadepez parpali na mçopumtit,

Pagarapez gecgina na bikomtit,

Lazonaşi bere borttit bibirttit.


Nanaçkunik tikinaten gomiğez,

Çku muperepeten mordez,

Arndğa diyu derdi varmaez

Lazonaşi bere borttit bibirttit.


Bere borttit didilepe pşinumtit

Papuçkunişi nenaten birdit,

Tel lazuri nenaten na bisinapit,

Lazonaşi bere borttit bibirttit


Handğalepez nenaçkuni goyiçkondrinen,

Na bibirttit gzalepez çkar var iğtimen,

Mcveşuri dğalepe var icciren,

Lazonaşi bere borttit bibirttit.


Nenaçkimi memiyucit dalepe cumalepe,

Beretkvaniz nusinapit hantepe,

Lazuri nenaten ordit guri kaite,

Lazonaşi bere borttit bibirttit.

(from nosi, www.lazebura.net)