Şk'u Gondineri Vorert!
Če bere! Leťasuzi orasuzi dirini! Sǩani ogindepe sťeri. Si gondineri sťeri şuri şvanare, ibadare a ora moxťasen leťa dologoxvanen! Na ibgarasen va giyonurťasen Si mutu var ore. Si beťi mȝudi re.
MA ELAЌİDERİ BORE
skidala şeni m3xaderi
ma lazobaten ČЌaderi
şuri-çkimi mekaderi
ma, elaЌideri bore.
iqopu-çkimişi peri
nananena moЌideri
gondgineri gonЌideri
ma elak’ideri bore.
from megrelazi
ma lazobaten ČЌaderi
şuri-çkimi mekaderi
ma, elaЌideri bore.
iqopu-çkimişi peri
nananena moЌideri
gondgineri gonЌideri
ma elak’ideri bore.
from megrelazi
2007-07-21
GURİ'Şİ ÇANDA
Okomp3kupeyi dğalepeş köna,
Meçireli orapeş mskvana,
İftineri,çkimire si panda,
Mtel ora'z domai guri'şi çanda...
Si macciraz kiana çkimi iyen,
Skidalaçkimi skanisuzi var iyen,
Şuriçkimire,şurisuzi sokşa iskiden?
Çanda'şa gonçeleri guri,moxti mu iyen...
Skanikala imskvanen skidalaçkimi,
hakşa vabziri,ha3işkule vabzirur skanisteri,
Mu iyen skanisuzi moddutalam ham guri,
Ar skanda oropeyi,skanisuzi iyeni?
Çanda miğun handğa gurişi çanda,
Skanikala oskidu xeloba panda,
Skanisuzi arndğa,doloşina mendra,
Mtel oraz domai gurişi çanda...
by NOSİ
Meçireli orapeş mskvana,
İftineri,çkimire si panda,
Mtel ora'z domai guri'şi çanda...
Si macciraz kiana çkimi iyen,
Skidalaçkimi skanisuzi var iyen,
Şuriçkimire,şurisuzi sokşa iskiden?
Çanda'şa gonçeleri guri,moxti mu iyen...
Skanikala imskvanen skidalaçkimi,
hakşa vabziri,ha3işkule vabzirur skanisteri,
Mu iyen skanisuzi moddutalam ham guri,
Ar skanda oropeyi,skanisuzi iyeni?
Çanda miğun handğa gurişi çanda,
Skanikala oskidu xeloba panda,
Skanisuzi arndğa,doloşina mendra,
Mtel oraz domai gurişi çanda...
by NOSİ
İGZALİ! SOKŞA ULUR?
İgzali!çkar moti3ker hakole,
İgzali!var dibgara m3udişe,
Gurizgale variyen oropape,
İgzali!sokşa ulur?ey şurumşine...
Na ulur yeri lazona'şen mskva reni?
Koçepemuşi çkunisteri çkar reni?
Ha3i ulur,çkar niduşuni?
İgzali!sokşa ulur?ey şurumşine varmoxtareyi?
Soti idare idi,tiskanire,
Varikturer,na idare xol sire,
Hako mu i? heg mu are haşote,
İgzali sokşa ulur ey şurumşine...
Na golaxtu ora ar niduşuni,
Kai xai dğalepe goliveli,
Ha3işkule mu gorum?mutu reni,
İgzali!sokşa ulur?ey şurumşine,memtkomei...
NOSİ
İgzali!var dibgara m3udişe,
Gurizgale variyen oropape,
İgzali!sokşa ulur?ey şurumşine...
Na ulur yeri lazona'şen mskva reni?
Koçepemuşi çkunisteri çkar reni?
Ha3i ulur,çkar niduşuni?
İgzali!sokşa ulur?ey şurumşine varmoxtareyi?
Soti idare idi,tiskanire,
Varikturer,na idare xol sire,
Hako mu i? heg mu are haşote,
İgzali sokşa ulur ey şurumşine...
Na golaxtu ora ar niduşuni,
Kai xai dğalepe goliveli,
Ha3işkule mu gorum?mutu reni,
İgzali!sokşa ulur?ey şurumşine,memtkomei...
NOSİ
no titel
Ç’e Lazi sk’iri Lazi
Ti – sk’ani si giç’k’it’as.
Nana muç’o giç’k’in-na
Nena-ti ar giç’k’it’as..
Xalxiş artoba şeni
Nena nç’ela iç’k’adas.
Nananena var-unt’as
Nuk’u p’ici geaç’k’adas
Xalk’iş’ artoba şeni :
Nç’elape var-meç’k’odas
Nena var-gogoç’k’odas,
Xalxi var-gamaç’k’odas !..
From Ank’e
Ti – sk’ani si giç’k’it’as.
Nana muç’o giç’k’in-na
Nena-ti ar giç’k’it’as..
Xalxiş artoba şeni
Nena nç’ela iç’k’adas.
Nananena var-unt’as
Nuk’u p’ici geaç’k’adas
Xalk’iş’ artoba şeni :
Nç’elape var-meç’k’odas
Nena var-gogoç’k’odas,
Xalxi var-gamaç’k’odas !..
From Ank’e
GURİ ÇİÇ`K`U NANA
Mu k`vina vargugaçedinu qona,
K`apu`la k`ele elagiskidu 3`ana,
Dixç`ini do xolo vardugaçk`inden,
K`ap`eti xe skanis gogixta nana.
Nisa moxti p`ulyaşi oput`eşa,
Damt`ire do mt`irişi oxorişa,
Arçkvati aş teği berepe ordi,
Tangrik xela mekças guri skanişa.
Ont`ule, oxori, qonaşi dulya,
Dopaminon yado varz`iri dunya,
Şuri na komomçi şuri skanişen,
Arçkva guri skani momçap gyozgiya.
Puci na çvalupti limci, çumani,
T`kumerti dulyaren çkimi dermani,
Mtxiepunas na k`vati dişk`ape,
Muç`oşi t`irupti gza entumani.
Do3`ili qurz`eni, mjolipe pat`xi,
Ar 3`ana pekmezi vardopa vart`k`vi,
Pekmezi do kyumepe çkin vimxort`taşi,
Sin xolo siniten lazuti şat`xi.
Vardugaçk`indeni şurimşine nana,
Vardogibağu Ek`o mtxiepuna,
Arçkva pirinconas içalişepti,
Xoloti gorupi çançaxepuna.
A3`ineripe varenan skani stei,
Mu meci uçkinan mu ti noderi,
Skani stei gyari nam nisa iqips,
Gyari varaxvenenan nostoneri.
Kalatiten t`iri monk`a 3`anape,
Domi3`vi k`ai, pat`i, mskva nenape,
Ham dunya do emk`eleti ixielas,
Skani stei guri çiç`k`u nanape.
Guma 2001
Timur Cumhur
"P`ulya" is surname of a family that live in Akçakoca.
K`apu`la k`ele elagiskidu 3`ana,
Dixç`ini do xolo vardugaçk`inden,
K`ap`eti xe skanis gogixta nana.
Nisa moxti p`ulyaşi oput`eşa,
Damt`ire do mt`irişi oxorişa,
Arçkvati aş teği berepe ordi,
Tangrik xela mekças guri skanişa.
Ont`ule, oxori, qonaşi dulya,
Dopaminon yado varz`iri dunya,
Şuri na komomçi şuri skanişen,
Arçkva guri skani momçap gyozgiya.
Puci na çvalupti limci, çumani,
T`kumerti dulyaren çkimi dermani,
Mtxiepunas na k`vati dişk`ape,
Muç`oşi t`irupti gza entumani.
Do3`ili qurz`eni, mjolipe pat`xi,
Ar 3`ana pekmezi vardopa vart`k`vi,
Pekmezi do kyumepe çkin vimxort`taşi,
Sin xolo siniten lazuti şat`xi.
Vardugaçk`indeni şurimşine nana,
Vardogibağu Ek`o mtxiepuna,
Arçkva pirinconas içalişepti,
Xoloti gorupi çançaxepuna.
A3`ineripe varenan skani stei,
Mu meci uçkinan mu ti noderi,
Skani stei gyari nam nisa iqips,
Gyari varaxvenenan nostoneri.
Kalatiten t`iri monk`a 3`anape,
Domi3`vi k`ai, pat`i, mskva nenape,
Ham dunya do emk`eleti ixielas,
Skani stei guri çiç`k`u nanape.
Guma 2001
Timur Cumhur
"P`ulya" is surname of a family that live in Akçakoca.
Subscribe to:
Posts (Atom)